YEAH!昨晚約定了和爸爸單車冒險 今早一食完早餐就出發了
我們先向輞井村出發 平時踩單車都會見到幾座不高的山
但一直都未試過上去行 爸爸說上到山頂便會見到深圳灣
好險!還以為要我推單車上山!
其實在荒山野嶺就應該不怕被人偷車
但安全起見 把兩間單車埋了在草堆才安心上山
其實這幾座山真的不算高 以我經驗應該一粒星都無
不過最衰就係太多散沙碎石 著爬山鞋的話會好好多
上到山頂 我們都超興奮!
因為風景好天氣好不特止 還有人在放風箏
而且風箏原來是伯伯用膠袋自製的!!!
不單止環保 仲有哂設計!
你看照片的比例 它足足有一個人咁高!!!
這些自製東西我爸就最歡喜 馬上上前請教高人指點
相信不久將來我家應該會有自己的風箏
下山後 我們繼續開車探險
沿途拜了白觀音﹑摘士多啤利﹑餵錦鯉 最後一站入流浮山
看到漁民在開蠔 隻隻都又肥美又新鮮
如果可以就當然想整燒蠔 不過工具有限 還是炸蠔吧!
最衰叔叔要番工 不然一定請他來做今晚主廚!
雖然是第一次炸生蠔 不過有叔叔遙距指導下 還是成功的!
起碼連一向不吃蠔的媽媽 都賞面食了兩隻
食完還贈我們金句:唔好以為自己唔係廚師, 用心做無人唔係廚師
期待更多朋友加入我們的單車冒險:)
