「我去到邊都有嘢俾人笑架!」媽講完這句
我不得不認 我的性格和她真的十足十
我們大家一好心情 就似足網上笑話區爸打分享 笑到無停
今晚有兩件無聊事跟各位爸打分享:
1)巾國梟雄上腦
可能屋企太耐無追劇 大家休息一輪 狀態大勇
全家已對柴九和四奶奶上哂腦
看完電視 阿媽見細佬還在沈迷電腦 突然爆了一句
「你個死仔仲唔俾心機讀書, 睇下你第日有冇得一車車米推番屋企!」
2)媽媽買化妝品
她獨自走入化妝店 為免被sales姐姐hard sale
她已很醒目地表明姿態 「我自己睇得啦!」
但店員仍窮追不捨 上前跟我媽講「太太, 你皮膚咁黃, 其實...」
為了斬草除根 我媽即道「我黃種人黎架」然後靜左四目交投 店員知趣飄走
